رابطة مشجعات الاهلى

هااااااااااى يا قمرات
لو بتشجعى النادى الاهلى عايزه تتكلمى او تعرفى اى حاجه عن النادى الاهلى
تعالو هنا نتكلم ونشجع الاهلى من قلبنا
اى سؤال يخص النادى الاهلى هتسئلو وباذن الله هتلاقو الاجابه هنا
يللا يا اهلويات نعمل احلى رابطه ونكيد العزال
ودايما فى انتصارات يا اهلى
الاهلى فوق فوق الجمييييييييييييييييييع
فى انتظار ارائكم واسئلتكم اللى عايزين تعرفوها عن النادى الاهلى
ولو موافقيتى ولاقيت مشجعات كتير هعمل كل جهدى عشان اعرفكم كل حاجه على النادى الجامد ده
(فريق كبير فريق عظيم اديلو عمرى وباردو قليل)

بحبك يا زمالك لا تقولى اهلى ولا اهلك ههههههههه

زماللك بتاع السته ولا الاربعه ولا الخمس سنين السودا اللى بهدلناكو فيها دورى وكاس
والله وطليعلكو حس الله يرحم فاروق وطولان وادعو لابن الاهلى حسام


ودايما يا اهلى عمهم وحابس دمهم
الاهلى فوق الجمييييييييييع

هاهاهاها انتى شكلك مش فى الدنيا جالنا العميد هيرجعلنا امجدنا الى كنا بنعملو فى الاهلى هنعملو تانى وبردو تانى بحبك يا زمالك

ههههههههههههههههههه
امجاد ايه اللي انتي جيه تقولى عليه امجاد بني عبيد ولا الجيش الرواندي ولا سيبملا التنزاني
ولا امجاد 11 دوري اقدام 34 دوري وكمان 9 بطولات افريقيا قدام 14 بطوله اهلاويه
ولا امجاد 103 سنه بطولات 105 بطولا قدام 59 ياعيني ياحرام
ولا امجاد السته والاربعه والحرس بتاع الخمسه ولو مش فاكر اسالي جولدي وسوهاج ولاوليمبي والمنصوره وكتييييييييييييييييير
وبعدين انا عمله رابطة مشجعات الاهلى مش رابطة الفراخ البيضه روحى كاكى فى حته بعيد
هههههههههههههههههههههههههه

اكاكى ده انتى شكلك النت والكمبيوتر لحسو دماغك ووالله صعبانه عليا

لالالالالالالالا ياجماعة مش عايزين خناااق
الاهلاوية والزملكاوية واحد وكلنا اخوات مينفعش كدة
انا زملكاوية اوى بس الاهلى على عينى وراسى
ولازم كل واحدة تحترم نادى التانية ولا ايه؟؟؟
عموما موضوع حلووو اوى تسلمى
وانتى ياشوشو ياقمراية اعمليلنا موضوع للزمالك
وموضوعك جمييييل يا اهلاوية موت مش هاتعرفينا بنفسك ولا ايه


[ندعوك للتسجيل في المنتدى أو التعريف بنفسك لمعاينة هذا الرابط]

هعمل ان شاء الله يا طاطا

اوكى ياااجميل وهايتم تثبيت الموضوع عشان
لو عايزين ندردش ونعرف معلومات عن نادى
الاهلى هانيجى هنا اوكى يا اهلاوية ياجميل
وهايتم نقل الموضوع اوكيشن

لا يا حبيبتى ميصعبش عليكى غالى وبخصوص ان النت والكمبيوتر لحسو دماغى
شكرا لان مبحبش اغلط فى حد


وبجد شكرا لاحلى مديره منتدى

يالا يا بنات اللى عايزه تعرف تاريخ النادى العملاق ونادى الامجاد
انا جايبهلكو عشان نكيد العزال ونفتخر بالابطال
نادى القرن نادى الارقام القياسيه.......نادى البطولات.......النادى الاهلى
انشا النادى الاهلى عام 1907
اول اجتماع عقد لمجلس ادارة النادى الاهلى 24/4/1907
اول رئيس للنادى الاهلى هو الزعيم سعد زغلول
اول كابتن للنادى الاهلى هو كابتن محمود مختار
اول مشاركه للنادى الاهلى فى بطولة الدورى العام كانت 1948-1949
لعب النادى الاهلى 1258مباراه فى بطولة الدورى العام حتى موسم 2009-2010
اول مباراه لعبها النادى الاهلى فى الدورى العام مع نادى يونان اسكتدريه وفاز الاهلى 5/0
فاز الاهلى 844مباراه وتعادل فى 276 مباراه وخسر فى138 مباراه وسجل2226هدف ودخل مرماه 764هدف
وجمع 2261نقطه وحصل على البطوله 34مره
اكبر نتيجه فاز بها الاهلى افريقيا خارج ارضه كانت 5للا شىء على حساب نادى هلاينرز السويزلاندى

بعض الارقام القياسيه للنادى الاهلى:
1-النادى الاهلى اول نادى يصعد للنهائيات كاس العالم للانديه ثلاث مرات وحقق افضل مركز (الثالث)

2-صاحب الرقم القياسى فى عدم الهزيمه فى بطولة الدورى العام 71مره متتاليه وعدم الهزيمه فى 79مباراه متتاليه محليا وافريقيا وعدم الهزيمه فى38مباراه خارج ملعبه

3-اكثر الانديه فى الحصول على بطولة الدورى العام 33مره وكاس مصر35مره

4-اكثر الانديه فى الحصول على افضل هجوم فى الدورى العام 24مره

5-اكثر الانديه فى الحصول على افضل دفاع فى الدورى العام 28مره

فاز النادى الاهلى على الاسماعيلى 50مره من 93 لقاء وفاز الاسماعيلى فى20 مره وسجل لاعبو الاهلى
144 هدف وسجلو لاعبو الاسماعيلى79 هدف
النادى الاهلى جمع بين بطولتى الدورى والكاس 13 مره

بطولات النادى الاهلى 106 بطوله حتى عام 2008
فاز النادى الاهلى على الزمالك 54 مره من 131 مباراه وفاز الزمالك 33 مره
سجل الاهلى 176 هدف وسجل الزمالك 131 هدف

اول مباراه افريقيه لعبها النادى الاهلى كانت 29/5/1976
لعب الاهلى 188 مباراه افريقيه حتى مباراة السوبر الافريقى 18/2/2007
فاز فى 100 مباراه وتعادل فى 44 مباراه وهزم 44 مباراه
واحرز 303 هدف احرزهم 71 لاعب(الخطيب 37 هدف) ودخل مرماه 132 هدف وحصل على 12 لقب

وده تاريخ النادى العملاق النادى الاهلى
بذمتكم فى حلاوه وجمال كده
بالا يا اهلويات شجعو وادعو بالنصر دايما للاهلى

ودايما ياهلى فوق الجمييييييييع

العفو ياجميل على ايه بس وحلوو موضوعك وياريت
بلاش كلمة نكيد العزال دى المقصود بيها الزملكاوية
واحنا هنا اخوات ومنحبش نغلط فى بعض وموضوعك جميل يا اهلوية
ميرسى وياريت نشاطك يتجدد فى المنتدى

ثانكيوو اهلوية موت

ايه يا بنات هو مفيش بنات بتشجع كوره ولا ايه
دا ايه الشلل ده مش معقوله
الله يكون بعونك يا طاطا
هههههه

هههههههههههه فعلا والله دة اصلا مافيش بنات بتشجع حاجة
يعنى لاحول ولا قوة اللى بيدخلوا محدودين ادعى ربنا يبارك فيهم

ايه انا بشجع بس بشجع الزمالك وانتى يا طاطا؟

وانا كمان الزمالك بس واضح ان مفيش
ولا اهلى ولا اهلك
ولا زمالك حتى

مش فاهمه انتى بتقولى ايه الى فهمتو انك زملكاويه وعلى العموم شكله شاروخان خلاكى تهيسى انا هقول لباباكى مايخلكيش تتفرجى عليه تانى ده مضر لصحه

الزمالك ياباشا وهى دى محتاجة كلام

هو انتوجاين تشجعو الزملك قدامى وعيني عينك كده
اتلمى يابت انتى وهى هههههههه
لا زملك ولا دراويش الاهلى غيره مفيش
ولما نشوف الزملك بتاعكو هيعمل ايه النهارده

اه طبعا الاهلى فريق جامد طبعا مش تقليلى الزملك وانشاء الله الدورى لينا

لالالالالالالالالالا ياجماعه انا الى كتبت كدة من شوشو شوشو زملكويه انا اهلاويه وبردو بقول الدورى لينا

انا مش فاهمه يعنى انتى يا ميشو اهلويه ولا زملكويه

و كل من دعت عليه والدته يلاقى الاهلى فى سكته
عفوا هذا زمن الاهلى فقط

عارفه ياميشو هاخلى اختك تعلقك فى المروحة
مااااااشى يا اهلوية
بس بلاش الثقة الزايدة دى
قولى يارب انتى بس وادعى
وخلى املك بربنا كبييير
وربنا مش بعيد عليه حاجة بردة

انا بس مش عايزاكو تحامو بحاجه على الفاضى
وعموما العبره فى النهايه
بالرغم انى واثقه من فرقتى


ارفع راسك فوق انت اهلاوى شجع يالا وقول قول يا اهلاوى
الاهلى فوق الجميع

ماشى يا اهلاوية وبردة ربنا مش بعيد عليه حاجة