شرح وضع صورة على المنتدى

السلام عليكم يابنااات
ازيكم
اكيد ان شاء بخير
عشان مطولش عليكم انا دخلت وعملت الموضوع دة
فى السريع المريع عشان لقيت الحكاية دى مشكله بتواجهكم
اولا المنتدى هنا مش هاينفع انك تعملى للصورة فى منتدى تانى
كوبى وتجيبيها هناا بست

لازم تتبعى الخطواات دى

اولا لما تدخلى على الموضوع هتلاقى ايقونا كتيرة فوق زى مثلا تكبير الخط
وتلوين الخط وهكذا هتلاقى بقى مابينهم ايقونة لو وقفتى عليها هتلاقى مكتوب
حفظ صورة اضغطى عليها


لحد كدة فى مشاكل لا طيب


ثانيا لما تضغطى عليها ممكن تظهرلك مرة بشكل
والمرة التانية بشكل تانى ازاااى؟؟؟
اولا لو ظهرلك مرع كبير كدة
1_ اضغطى على BROWS
2_اضغطى على الصورة من جهازك
3_بعد كدة اضغطى على HOST IT
4_ هاتحمل وبعد كدة يظهرلك 3 روابط اضغطى على الرابط
اللى فى النص واعمليله كوبى وحطيه بست فى الموضوع


اوووكى لحد كدة فى مشاكل على ما اظن لا

ثانيا لو ظهرلك مربع صغير

1_ اضغطى على BROWS
2_اضغطى على الصورة من جهازك
3_بعد كدة اضغطى على HOST IT
4_هايتفتحلك بقى صفحة مرسوم فوق فى الصفحة صورة ضفدعة ذهبية
اوكى
5_هتلاقى الصورة على جنب كدة وهتلاقى كذا راابط فوق بعض
6_اختارى الرابط التالت واعمليله كوبى
وهاتيه بست فى الموضوع



هاااا يا جمااعة خلاص اللى مش فاهم اى حاجة يقوووولى
وانا افهمه اكترر
ولو فى اى مساكل يجى يقولى هنااا
يارب اكون وفقت فى شرحى وافدتكم يابنات


ياااريت يابنات يكون فى تنسيق بالصور فى المواضيع



باى باى عشان عايزة اناااااام

ميرسى يا طاطا بس على فكره انا مااكونتش اعرف ازاى انتى الى علمتهالى بس مش الموضوع ده وميرسى مره تانيه

ايون ياجميل اوكى
بس ياارب البنات تستفيد من الموضوع دة عشان مهم
عشان معظمهم مش بيعرفوا يحطوا صور فى المنتدى هنا
وابقى علمى اختك ياشوشو اووكى ياجميل
شكرا لمرورك


[ندعوك للتسجيل في المنتدى أو التعريف بنفسك لمعاينة هذا الرابط]

والله يا بطه انتى احلى واجمل مديرة مندى
بس استفسار صغير

هل المشرفات بيثبتو المواضيع ولا ده للمديره فقط
ولو ينفع للمشرفات ممكن تقوليلى ازاى

اهااا اكيد طبعا بصى فى قسم اسمه
قسم المشرفات ودة طبعا مش بيظهر غيييير
للمشرفات فقط
انا هابدا اعملكم مواضيع اشرحلكم فيها
ازاى هانثبت موضوع وكدة واعمال المشرفين
بقى وكدة وبتاع

ماشى يا طاطا علفكرة انا لسه كنت هسالك ازاى احط صورة

اووووووووكى ياجميل المهم دلوقتى بقيتى تعرفى تحطى صور؟

لالاسف ياطاطا انا مش فهمت وبردو مش عرفت احطت صورة ارجو التوضيح اكثر ياقمر ممكن بعد اذنك جوجوووووووووووووووووووووووووووووووووووو صح الصحححححححححححححححححححححححححححححح

اوووكى يا جوجو وانا هاعيدلك الشرح مرة تانية
بس طلب صغنتوت
بصى افتحى صفحتين وجربى خطوة خطوة
واكيد هاتفهمى ولو مفهمتيش قووووليلى وهاعيد الشرح بسهووووولة
اكتر


ونورتى المنتدى يا جوووجووو